| Contact |

Document

Certificat accordé par la Cour des monnaies de la capacité de Raoul Forest pour exercer la maîtrise particulière de la Monnaie de Saint-Lô (Paris, 18 avril 1558)


Liste des documents



Certificat accordé par la Cour des monnaies de la capacité de Raoul Forest pour exercer la maîtrise particulière de la Monnaie de Saint-Lô
(Paris, 18 avril 1558)

Monnaie de Paris : ms. F°232, f° 163r°-163v°
____________________

Certiffication pour Raoul Forest, maistre de la Monnoye de Saint-Lô

Sur la requeste présentée à la Court par Raoul Forest, bourgeois de la ville de Saint-Lô, par laquelle il requéroit, suyvant l'édict du roy, luy octroyer certiffication de sa suffisance telle que luy est besoing pour obtenir dudict seigneur lettres de bail à ferme pour la maistrise particulière de la Monnoye de ladite ville, suyvant la nomination des eschevins et conseilleurs d'icelle ville, attachée à sadite requeste, veu par la Court ladicte requeste, lettres de nomination desdits eschevins et conseilleurs de ladite ville de Saint-Lô, du vingt-neufiesme jour de mars dernier passé, signé De la Porte, Rouxelin, Taugnevey, seellé sur sire [sic] rouge, par laquelle lesdits eschevins et conseilleurs ont, suyvant l'édict et ordonnance du roy, nommé et présenté audit seigneur ledit Raoul Forest, et icelluy certiffyé de bonne vye, renommée et conversation catholique, capable et bien expérimenté au faict des monnoyes pour estre, soubz le bon plaisir dudict seigneur, pourveu de la maistrise particulière de ladite Monnoye, vaccant par le trespas de feu Jacques Le Coucy, dernier possesseur. Et après que ledit Raoul Forest a esté oy et interrogué au bureau de ladite Court, en présence du procureur général du roy en icelle, sur l'exercice de la maistrise particilière d'une Monnoye, tout considéré, ladicte Court a ordonné et ordonne que certiffication sera baillée audict Forest qu'il est capable et suffisant pour tenir et exercer la maistrise particulière d'une Monnoye quant sera le bon plaisir du roy de le pourveoir de tel estat et luy en faire bail comme il est accoustume faire en tel cas. Faict en la Court des monnoyes le dix-huitiesme jour d'avril mil cing cens cinquante-huict, après Pasques.

© ordonnances.org, 2008. Tous droits réservés